مذاكرة...مذاكرة..مذاكرة
كل شوية ذاكر .. ذاكر .. !حاجة تنرفز اوى بس هعمل ايه لازم اذاكر بقعد غصب عنى وببقى مدايق قوى بس بعد نصف ساعة ببقى مش قادر اكمل بقوم و بقول خمس دقائق و ارجع اذاكر تانى الاقى الوقت بيسرقنى و اتفاجأ ان مر وقت طويل جدا و مع ذلك مش بقوم من على التليفزيون او الكومبيوتر ببقى عارف انى لازم اقوم بس مش بقدر أقوم من على التليفزيون و بفضل قاعد ..قاعد..قاعد
لحد لما الوقت يعدى ويفوت الاوان و اروح الدرس و انا مش مخلص كل حاجة و بعد الدرس اروح البيت و مذاكرش بردو و يعدى يومى و مذاكرش بتعريفة و تتراكم عليا الدروس وأجى فى نهاية السنة أذاكر ! و بجد لانى ببقى مذنوق جدا و لازم اذاكر فبذاكر و بجيب درجات مش حلوة اوى يعنى و انا الحمد لله بستوعب بسرعة
يعنى لو ذاكرت من اول السنة ممكن أطلع من الاوائل بس الحاجات الىبتلهينى عن المذاكرة هى السبب نفسى حد يقولى اعمل ايه
ارجو ان تشاركونى التفكير و تقولولى اعمل ايه علشان أقدر اتحكم فى نفسى و فى حبى للتلفاز و الكومبيوتر
انا اول مرة اكتب الى فى قلبى فهتلاقو ان فى حجات مش مظبوتة فى الموضوع
معلش بقى مره على مره هتيجى معايا حلوة و هتعلم
